Дуои раҳоӣ аз мушкилот ва душвориҳо

Шахсе, ки ба мушкилию парешонӣ дучор мешавад, ин дуоро бихонад:
«Рабби иннӣ лимо анзалта илайя мин хайрин фақир».
«Эй Парвардигори ман, ҳамоно ман ба он чи аз неъмат ба сӯям фуруд овардӣ, муҳтоҷам».
Вақте ҳазрати Мӯсо (а) аз зулми Фиръавн – подшоҳи Миср ба тарафи Мадян фирор мекунад, дар он шаҳри бегона бесару сомон ва бехӯру нӯш монда, дуои болоро мехонад. Худованд бо баракати дуои мазкур мулоқоти ӯро бо ҳазрати Шуайб (а) муҳайё месозад, ки баъд аз он зиндагии хушгувори ҳазрати Мӯсо (а) оғоз меёбад.