Ақволи уламо дар мавриди Имом Молик

Имом Шофеъӣ (р) мегўяд: «Ҳангоме ки ҳадисе аз Расулуллоҳ (с) ва асҳобаш нақл шавад, пас Молик ҳам монанди ситорае медурахшид».
Ҳамчунин мегўяд: «Молик ҳуҷҷату далели Худованд бар халқаш баъд аз тобеъин аст». Яҳё ибни Саъид ва Яҳё ибни Маъин мегўянд: «Молик амирулмуъминин дар ҳадис аст». Аҳмад ибни Ҳанбал (р) мегўяд: «Касе, ки аз Имом Молик бадаш меояд, бидон ки ў аз аҳли бидъат мебошад». Авзоъӣ дар бораи Имом Молик (р) мегўяд: «Олими уламо ва олими аҳли Мадина ва муфтии Ҳарамайн». Ибни Касир дар «Ал-бидояту ван-ниҳоя» мегўяд: «Сифоти некўи Имом хеле зиёд аст ва санои имомон бар ў бештар аз ин аст, ки битавон дар ин ҷо зикр кард».