Дуоҳо ҳангоми бедор шудан аз хоб

Ҳазрати Баро (р) ривоят мекунад: «Ҳар гоҳ Паёмбар (с) аз хоб бармехост, ин дуоро мехонд:«Алҳамду лиллоҳиллазӣ аҳёно баъда мо амотано ва илаҳи-н-нушур».
«Ҳамду сано Худоро, ки моро баъд аз миронидан зинда гардонид ва бозгашти мо ба сӯи Ӯст».
Абӯҳурайра (р) ривоят мекунад, ки Паёмбар (с) фармуданд: «Ҳар гоҳ яке аз шумо аз хоб бедор мешавад, бигӯяд:
«Алҳамду лиллоҳиллазӣ радда ъалаййа рӯҳӣ ва ъофонӣ фӣ ҷасадӣ ва азина лӣ бизикриҳи».
«Ҳама ситоиш Худоеро сазовор аст, ки рӯҳи маро баргардонид ва ба ман тандурустӣ ато кард ва иҷозатам дод, то Ӯро зикр кунам».