Маҳалли таваллуд ва зиндагии Имом Шофеъӣ

Имом Шофеъӣ дар соли 150-уми ҳиҷрӣ дар шаҳри Ғазза дар Фаластин ба дунё омад. Дар хурдсолӣ падарашро аз даст дод. Модараш ба хотири ин ки насаби писарашро ҳифз кунад, ўро дар ҳоле, ки ду сол дошт, ба Макка овард. Дар синни ҳафтсолагӣ Қуръонро ҳифз карда, дар синни даҳсолагӣ китоби «Муваттаъ»-и Имом Моликро аз бар намуд ва дар синни понздаҳсолагӣ бо иҷозаи устодаш Муслим ибни Холиди Занҷӣ фатво дод. Ба шеър ва луғати арабӣ таваҷҷуҳи зиёде дошт ва барои рафъи мушкилот ва луғот печидаи арабӣ ва ташхиси ашъор ба Имом Шофеъӣ муроҷиат мешуд.