Суханони уламо дар бораи Имом Абўҳанифа (р)

Имом Молик мегўяд: «Ў касе буд, ки метавонист бо далел ва ҳуҷҷат ба ту собит кунад, ки ин сутуни сангӣ аз тилло сохта шудааст».
Имом Шофеъӣ мегўяд: «Мардум дар фиқҳ муҳтоҷ ва вобаста ба Абўҳанифа (р) мебошанд».
Абўюсуфи Қозӣ мегўяд: «Мардум мегуфтанд, ки Худованд Абўҳанифа (р)-ро бо фиқҳу илм, саховату бахшиш ва ахлоқи қуръонӣ зинат додааст».
Ибни Абдулбар мегўяд: «Абўдовуди Сиҷистонӣ гуфтааст: «Абўҳанифа имом буд, Молик ҳам имом буд ва Шофеъӣ ҳам имом буд»».
Имом Аҳмад Имом Абўҳанифа (р)-ро ба хубӣ ёд мекард ва аз Худованд барои ў талаби раҳмат мекард, дар даврони зиндонӣ будан ва шаллоқ хўрданаш гиря мекард ва бо ёд овардани кумакҳое, ки Абўҳанифа (р) ба хотири қабул накардани мансаби қазоват таҳаммул карда буд, худро тасаллӣ ва оромиш медод.