Вафоти Имом Молик (р)

Суютӣ мегўяд: «Имом Молик дар рўзи якшанбе мариз шуд ва муддати 22 рўз бемор буданд, то ин ки дар рўзи якшанбе даҳуми Рабеъул-аввали соли 179-и ҳиҷрӣ вафот ёфтаанд.
Ибни Абдулбар аз Исмоил ибни Абўувайс нақл мекунад, ки Имом Молик мариз шуданд, пас аз он чизе, ки дар ҳангоми марг гуфта буданд, суол кардем, гуфтанд: «Лиллоҳил-амру мин қаблу ва мин баъду». Дар чордаҳуми Рабеъул-аввали соли 179-и ҳиҷрӣ дар замони хилофати Ҳорунуррашид вафот ёфтанд ва Муҳаммад ибни Иброҳим ибни Муҳаммад ибни Алӣ ибни Абдуллоҳ ибни Аббос бар ў намоз гузорид. Худованд Имом Моликро мавриди раҳмати худ қарор диҳад ва ба хотири заҳматҳое, ки барои Ислом ва муслимин кашидаанд, ҷазои некўяш диҳад.