Ijtimo dar Dorun-nadva

Vaqte ki Quraysh ba in natija rasidand, ki ozoru aziyyatashon dar peshrafti davati Payombar (s) hej guna tasire nadoshta va yoronash na tanho az imon dast namekashand, balki ruz ba ruz imonashon muhkamu qavitar megardad va bo vujudi hama moneaho va mushkiloti ejodshuda az tarafi onho tedodashon afzoish meyobad, dar mahalle ba nomi “Dorun-nadva”, ki mahalli tasmimgirihoi muhimi Quraysh bud, jam shudand, to binand bo Payombar (s) va ashobu yoronash chi guna raftor namoyand va dar mavridi onon chi tasmime bigirand.
Kase, ki mamur shud nazdi Payombar (s) biravad, to tasmimhoero, ki girifta budand, matrah sozad Utba ibni Rabia bud. Utba nazdi Payombar (s) ba Masjidul-harom raft va Payombar (s) mashguli khondani namoz bud. Hangome ki namozi Payombar (s) ba poyon rasid, Utba ba Pyombar (s) guft: “Ey pisari barodaram, qadru manzalati mo bar tu pushida nest, ammo tu ba vasilai in korat aqlhoyamonro past shumoridi, ba Hudoyonamon nosazo gufti va padaronu nekoni moro gumroh khondi, holo gush kun, ki chand chiz bar tu arza mekunam, shoyad baze az onhoro bipaziri”.
Payombar (s) farmud: “Ey Abuvalid, man gush mekunam”.
Utba guft: “Ey pisari barodaram, agar qasdi tu az tabligu oyini jadid kasbu daromadi molu sarvat ast, mo on qadar ba tu molu sarvat medihem, ki sarvatmandtarin fard gardi. Agar qasdi tu podshohi ast, mo turo podshohi khudamon megardonem. Agar jinzada shudai va jin turo ozoru aziyyat medihad, mo pizishkonro davat mekunem va amvoli khudro dar rohi shifoi tu masraf mekunem, to behbud yobi”.
Payombar (s) bo kamoli khursandi va viqor ba sukhanoni Utba gush faro dod. Vaqte ki sukhanoni Utba tamom shud, oyathoi 1 to 14-umi surai “Sajda”-ro bar u tilovat namud. Utba bo shunidani in oyatho ba haqqoniyat va durustii davati Payombar (s) pay burd va nazdi qavmi khud raftu guft: “Ey guruhi Quraysh, ba sukhani man gush faro dihed, jilavi davati Payombar (s)-ro nagired va biguzored, ki ozodona korashro idoma dihad, chun man sukhane az u shunidam, ki khabar az oyandai ajib ast. In oyatho dar borai azamatu qudrati Parvardigor va natijai amoli kasone ast, ki davatu risolati Payombar (s) va haqqoniyati ruzi qiyomatro inkor mekunand”.
Quraysh dar javobi Utba guftand: “Muhammad turo jodu kardaast”.
Az in matlab ba in natija merasem, ki dar miyoni har qavmu qabilae afrode hastand, ki nidoi haqqu haqiqatro dark mekunand va haqiqat baroi onho oshkoru ravshan megardad, ammo afrode, ki khudro buzurgi jomea va yo qabila qalamdod mekunand, tanho ba fikri manfiati moddi va iqtisodii khesh meboshand va mone az in amr megardand, ki nidoi haqiqat ba gushi jahoniyon va tashnagoni haqqu haqiqat birasad. Ba gunae ki dar in mojaro agar Abujahl meguzosht, to Quraysh ba harfhoi Utba gush dihand, hej guna jangu khunrezi dar miyoni Quraysh ittifoq nameaftod.