Vaqtho va holathoi makhsus baroi qabuli duo

Hamchunon ki az sukhanhoi dar bolo zikrshuda ba mo malum shud, bandai musulmon boyad har vaqt ba vositai namoz va zikru duo bo Parvardigori khud dar irtibot boshad, har qadar in amalhoi nekro beshtar anjom dod, hamon qadar robitai u bo Ofaridgorash mustahkamtar meshavad. Ammo az barkhe rivoyatho chunin barmeoyad, ki baroi pazirishi duo vaqthoi makhsuse niz hast, ki ba tartibi zayland:
⦁ Duoi badi namozhoi panjvaqta
Dar rivoyate az hazrati Abuumoma (r) omadaast, ki mefarmoyad: Payombar (s) az vaqthoe, ki beshtar umedi qabuli duost, pursida shud. Payombar (s) farmudand:
«Okhiri shab va bad az namozhoi farzi».
Hazrati Kab ibni Ujra (r) rivoyat mekunad, ki Payombar (s) farmudand:
«Kalimahoe, ki guyanda va ijrokunandai on bad az har namozi farz pushaymon (az savob mahrum) nameshavad: Siyu se bor «subhonalloh», siyu se bor «alhamdulilloh» va siyu chor bor «Allohu akbar» meboshad.
⦁ Duoi shab 
Hazrati Jobir (r) dar hadise rivoyat mekunad, ki Payombar (s) farmudand:
«YAqinan shab vaqti makhsuse dorad, ki har musulmon dar on vaqt khubihoi dunyovu okhiratro az Hudovand bipursad, hatman Hudovand ba u medihad. On vaqtest, ki dar tamomi shabho yoft meshavad».
Dar rivoyati mazkur vaqti makhsusi qabuli duo tayin nashudaast, hikmatash dar on ast, ki bandai musalmon har vaqti shab, ki bedor shud onro ganimat shumorida, ba duo bipardozad va bo Parvardigori khud rozu niyoz kunad.
Dar rivoyate fazilati okhiri shab bayon shudaast, ki vaqti purbarakat va ijobati duost. Hazrati Abuhurayra (r) rivoyat mekunad, ki Payombar (s) farmudand:
«Parvardigor har shab dar seyaki akhiri shab ba osmoni dunyo furud meoyad (yane rahmati khudro sarozer mekunad) va mefarmoyad: Oyo duokunandae hast, ki duoi uro qabul kunam? Oyo kase hast, ki az Man chize metalabad, ba u ato kunam? Oyo kase hast, ki az Man magfirat mekhohad, to uro magfirat kunam?».
⦁ Duoi ruzi juma
Dar ruzi juma niz vaqthoi muayyan mavjud ast, ki duo dar on ijobat meshavad. Hazrati Abuhurayra (r) rivoyat mekunad, ki Payombar (s) farmudand:
«YAqinan dar ruzi juma vaqtest, ki kadom bandai musalmone dar on az Hudovand chi khayre talab kunad, ba u doda meshavad».
Az hadisi mazkur fazilat va vadai qabuli duo dar ruzi juma malum meshavad va hadisshinoson bo takya ba digar rivoyot du vaqtro nishon medihand.
a) Hangomi nishastani imom bayni du khutba to okhiri namoz, mutobiqi rivoyati hazrati Abuburda ibni Abumuso (r).
b) Az namozi asr to gurubi oftob, mutobiq ba rivoyati hazrati Abuhurayra (r).
⦁ Duoi bayni azon va iqomat
Bayni azon va iqomat niz vaqti qabuli duost. Hazrati Anas ibni Molik (r) az Payombar (s) rivoyat mekunad:
«Bayni azon va iqomat duo qabul megardad, pas duo kuned».
⦁ Duo dar holati sajda
Sajda holatest, ki banda dar on ba fazlu rahmati ilohi nazdiktar meshavad. Pas dar holati sajda duo kardan yake az vaqthoi qabuliyati duost. Hazrati Abuhurayra (r) az Payombar (s) rivoyat mekunad, ki farmudand:
«Banda dar holati sajda ba (rahmati) Parvardigori khesh nazdiktar meboshad, pas dar holati sajda duoro beshtar kuned».
Ezoh: Mutobiqi mazhabi hanafi namozguzor metavonad az duohoe, ki dar holati sajda khonda meshavand, dar sunnatho va namozhoi nafli, inchunin dar namozi farz, agar onro tanho bikhonad, istifoda kunad. Ammo namoze, ki bo jamoat ado meshavad, imom boyad holi namozguzoronro rioya karda, onro sabuk khonad.
⦁ Duo dar vaqti nushidani obi Zamzam
Dar holati nushidani obi Zamzam duo kardan niz az vaqthoi ijobati duost. Hazrati Jobir (r) rivoyat mekunad.